دانلود مداحی ترکی چوخ باخوب اصغره یانما منی یاندرما حسین حاج مهدی رسولی
متن نوحه
چوخ باخوب اصغره یانما منی یاندرما حسین
اوخلی قربانیوی میدانی دولاندرما حسین
ایتمه غم اولمادی سو سولدی الونده گل یاس
گتور اکبر کیمی دوتسون آناسی اصغره یاس
باخوری اهل جفا اصغرون آز باغریوا باس
خیمه ده منتظری واردی یوباندورما حسین
(آغلاما دا ، باجین اولسون)۴
................................
شعله آهویله قلبیمی آز یاندور یاخ
غش ایدوبدور آناسی خیمه ده بیر شیونه باخ
بالاوون قانینی گل بو آغاران زلفیمه یاخ
آتما قانین گویه افلاکی بویاندرما حسین
سن او قانیله بویاندون منیده قوی بویانوم
گلمه سن گَلَّم اوزوم اولما رضا چوخ دولانوم
قویموری قید محبت باجون اولسون دایانوم
چکمه خجلت چکیلوب دوره ده یاندورما منی
اوخلی قربانیوی میدانی دولاندرما حسین
(آغلاما دا ، باجین اولسون)۴
نه چکور اصغر آناسی اونی بیر لیلی بولر
شیر خواره بالاسین گورمسه صاق قالماز ئولر
پوزقون احوالیوه باخدوقجا بو شام اهلی گولر
دردیوی گل منه دی دشمنه آندورما حسین
اوز اوزون یورما مصیبتدن اوساندورما حسین
آفت باد خزان یوز ویروب اول غنچه گوله
قورخورام آغلیاسان شاد اولا شام اهلی گوله
گورورم ایستموسن بو غمی اطفال بوله
من ربابه دیرم سن اونا قاندورما حسین
گه فرات اوسته باخورسان ایدوسن شور و نوا
چاقورورسان بالاوی آلسون ابوالفضلون اخا
الی یوخ قارداشون عباسین اونی سندن آلا
عذری واردور آتاسی حیدری یاندورما حسین
چوخ باخوب اصغره یانما منی یاندرما حسین
(آغلاما دا ، باجین اولسون)۴
شاعر: استاد حسینی سعدی زمان
📢 حاج مهدی رسولی
🔶 چوخ باخوب اصغره یانما منی یاندیرما حسین...
شب هفتم محرم ۱۴۴۱
#حاج_مهـدی_رسـولـی
#واحد
#شب_هفتم
#محرم۹۸a
صوت⬇️⬇️⬇️